Er mwyn cynnal ein cynaliadwyedd a rhoi goruchwyliaeth hanfodol, rydym yn chwilio am ddau weithiwr proffesiynol llawrydd ymroddedig: Cynhyrchydd Creadigol / Arweinydd Strategaeth a Gweithrediadau a Chodwr Arian.
Cynlluniwyd y swyddi hyn i bontio’r bwlch rhwng gweledigaeth artistig a rhagoriaeth o ran gweithrediadau. Byddwch yn gweithio’n glos gyda’n Cyfarwyddwyr i ddod â’n cynllun busnes yn fyw, sicrhau ein dyfodol ariannol, a sicrhau bod Humans Move yn parhau i arwain gyda phrosiectau dawns theatr cynhwysol mawr eu heffaith sy’n amlygu’r cysylltiadau diwylliannol rhwng Cymru ac Ethiopia.
Sylwer: Croesawir ceisiadau gan unigolion sydd â diddordeb mewn cyfuno’r swydd os yw eu harbenigedd yn cynnwys y ddau faes.
Swydd 1: Cynhyrchydd Creadigol / Arweinydd Strategaeth a Gweithrediadau
Mae’r swydd hon yn rhoi’r arbenigedd strategol sy’n angenrheidiol i sicrhau twf. Byddwch yn trosi ein gweledigaeth yn fap llwybr clir, y gellir ei weithredu.
- Ffi: £10,500 (£300 y dydd)
- Cyfnod: 9 mis (Mai 2026 – Ion 2027)
- Ymrwymiad: 35 diwrnod i gyd (tua 3.5 diwrnod y mis)
- Cyfrifoldebau Allweddol: Map Strategol: Datblygu llawlyfr sefydliadol clir a chynllun gweithredol tymor hir.
- Datblygu Busnes: Dynodi a threfnu cyfleoedd newydd ar gyfer comisiynau, cydweithio a phartneriaethau ar lefel uchel.
- Rheoli: Goruchwylio perthnasau ariannu allweddol a chynrychioli’r cwmni ar rwydweithiau proffesiynol.
- Goruchwyliaeth Weithredol: Sicrhau cydlyniant ar draws y sefydliad, gan gysoni nodau artistig â chynaliadwyedd y busnes.
Swydd 2: Codwr Arian
Rydym yn chwilio am strategydd ymarferol a all droi gweledigaeth 5 mlynedd yn ffaith sydd wedi ei ariannu. Mae’r swydd hon yn ymwneud ag ymwreiddio diwylliant o wytnwch trwy ffynonellau ariannol amrywiol.
- Ffi: £7,500 (£250 y dydd)
- Cyfnod: 9 mis (Mai 2026 – Ion 2027)
- Ymrwymiad: 30 diwrnod i gyd (tua 3 diwrnod y mis)
Prif Gyfrifoldebau: - Cyfrifoldebau Allweddol: Creu Incwm: Ysgrifennu a rheoli ceisiadau grant o safon uchel.
- Strategaeth Ariannol: Cryfhau’r cynllun busnes 3-5 mlynedd presennol a chreu rhagolygon incwm/gwariant cadarn.
- Rheoli prosiectau sydd yn yr arfaeth: Sefydlu pa brosiectau sydd yn yr arfaeth gyda chyllidebau ac amserlenni clir.
- Risg a Gwytnwch: Creu fframwaith rheoli risg a thargedu incwm ar gyfer costau craidd.
Y Manylion
Lleoliad: Gweithio o bell i gychwyn, ond yn gorfod gallu teithio i Gaerdydd ar gyfer cyfarfodydd tîm misol yn y cnawd.
Terfyn amser: 14 Ebrill 2026.
Cymhorthfeydd Cyfweliadau: Dydd Llun 24 Ebrill 2026 (Ar-lein neu yn y cnawd ym Mae Caerdydd).
Cyfweliadau: Dydd Llun 24 Ebrill 2026 (Ar-lein neu yn y cnawd ym Mae Caerdydd).
Sut i Ymgeisio: Cyflwynwch CV a Llythyr Esboniadol (neu ffeil sain/fideo 3-5 munud) yn rhoi manylion am eich profiad perthnasol a pham eich bod am weithio gyda Humans Move erbyn 14 Ebrill 2026
Cyswllt: Os oes gennych gwestiynau neu am gael fformatau gwahanol, anfonwch e-bost at: [email protected]
Sylwer: rydym yn croesawu ceisiadau gan bobl anabl a byddar yn neilltuol a’r rhai o gymunedau nad ydynt yn cael eu cynrychioli yn ddigonol
Galw Allan Hawdd ei Ddarllen ar gyfer Arweinydd Strategol a Chodi Arian
Swyddi Newyddion yn Humans Move
Call for Unpaid Intern Leaders
Disgrifiad Swydd Symud Dynol
Welsh 
English